နေပြည်တော်၊ အောက်တိုဘာ ၂၂
ယနေ့ နံနက် ၀၆:၀၀ နာရီ အချိန်တွင် ဇမ္ဗူသီရိမြို့နယ်ဥပဒေရုံးသစ် ဖွင့်ပွဲအခမ်းအနားနှင့် နံနက် ၁၀:၀၀ နာရီ အချိန်တွင် ဒက္ခိဏသီရိမြို့နယ်ဥပဒေရုံးသစ် ဖွင့်ပွဲအခမ်းအနားများ ကျင်းပ ပြုလုပ်ခဲ့ရာ ဆရာတော် သံဃာတော်များအား နံနက်အာရုဏ်ဆွမ်း၊ နေ့ဆွမ်းများ ဆက်ကပ်လှူဒါန်း ခဲ့ကြပြီး အဆိုပါအခမ်းအနားများသို့ ပြည်ထောင်စုရှေ့နေချုပ် ဦးထွန်းထွန်းဦး၊ ဒုတိယရှေ့နေချုပ် ဦးဝင်းမြင့်၊ ပြည်ထောင်စုရှေ့နေချုပ်ရုံးမှ အမြဲတမ်းအတွင်းဝန်နှင့် ညွှန်ကြားရေးမှူးချုပ်များ၊ ဒုတိယ ညွှန်ကြားရေးမှူးချုပ်များ၊ ညွှန်ကြားရေးမှူးများနှင့် ဖိတ်ကြားထားသော ဧည့်သည်တော်များ တက်ရောက်ခဲ့ကြောင်း သတင်းရရှိပါသည်။
(သတင်းစဉ်)